Daxili Təqaüd müsabiqəsinin II turuna keçid balları müəyyən olunub. Azərbaycan Respublikası Dövlət Neft Şirkətindən (ARDNŞ) SİA-ya verilən məlumata görə, müsabiqənin II turuna vəsiqə qazanan tələbələrin siyahısının müəyyən olunması məqsədilə aprelin 22-də ARDNŞ-nin Baş ofisində Daxili Təqaüd Proqramının Müsahibə Komissiyasının iclası keçirilib. Aparılan müzakirələr, verilən təkliflər nəticəsində ixtisas qrupları üzrə keçid balları müəyyən olunub. Nəticələrə əsasən Daxili Təqaüd Proqramının II mərhələsinə - müsahibələrə 398 nəfər namizəd vəsiqə qazanıb.
Qeyd edək ki, ARDNŞ istedadlı gənc neftçi mütəxəssislərin yetişdirilməsi, tələbələrin neft-qaz sənayesi sahəsində müasir elmi və təcrübi biliklərə yiyələnməyə həvəsləndirilməsi məqsədilə 2005-ci ildən başlayaraq Azərbaycan Respublikası ali təhsil müəssisələrinin tələbələri üçün Təqaüd Proqramını həyata keçirir. Fevralın 18-dən martın 15-dək 2012-2013-cü tədris ili üzrə Daxili Təqaüd Proqramına sənəd qəbulu həyata keçirilib. 4 həftə davam edən elektron qeydiyyat zamanı ARDNŞ təqaüdünü qazanmaq üçün müraciət etmiş 2505 tələbədən 2128 nəfəri müsabiqədə iştirak etmək hüququ qazanıb, onlardan 1904 nəfəri test imtahanına buraxılıb. Aprelin 14-də müsabiqənin I mərhələsi - test imtahanı keçirilib. Tələbə Qəbulu üzrə Dövlət Komissiyası tərəfindən aparılmış imtahanda tələbələrin məntiqi bilikləri yoxlanılıb.
Bütün xəbərlər Facebook səhifəmizdə
USD
EUR
GBP
RUB