Bakı Şəhəri üzrə Təhsil İdarəsinin müdiri Nailə Rzaquliyeva Azərbaycan Həmkarlar İttifaqı Konfederasiyasının yaradılmasının 20 illik yubileyi münasibətilə təşkil olunan tədbirdə döş nişanı ilə təltif olunub. SİA-nın məlumatına görə, qərarı Həmkarlar İttifaqı Konfederasiyasının İcraiyyə Komitəsi qəbul edib.
Bu gün Bakı Şəhəri üzrə Təhsil İdarəsində keçirilən təntənəli təqdimat mərasimində döş nişanını Nailə Rzaquliyevaya Azərbaycan Təhsil İşçiləri Azad Həmkarlar İttifaqının Respublika Komitəsinin sədr müavini Mirzə Cəfərzadə təqdim edib. Mirzə Cəfərzadə bildirib ki, BŞTİ - nin müdiri döş nişanı ilə Həmkarlar İttifaqı orqanlarının işində fəal iştirakına görə təltif olunub.
Qeyd edək ki, bu döş nişanı ilk olaraq Azərbaycan prezidenti İlham Əliyevə təqdim edilib.
Bütün xəbərlər Facebook səhifəmizdə
USD
EUR
GBP
RUB