Azərbaycan Dillər Universitetinin 1 saylı İngilis dili fakültəsinin dekanı, professor Əfqan Abdullayev AUDEM (Dünya Universitetlərinin Demokratiya Uğrunda Alyansı) cəmiyyətinin Direktorlar Şurasına üzv seçilib. ADU-dan SİA-ya verilən məlumata görə, Dunya Universitetlərinin bu Alyansı 1990-ci ildə ABŞ-ın Nyu-York Dövlət Universiteti tərəfindən təsis edilib və ABŞ Dövlət Departamentinin dəstək verdiyi cəmiyyətlər sırasındadır. AUDEM-in 23-cü illik konfransı bu il oktyabrın 28-30-da Polşada keçirilib. 80-dən çox nüfuzlu universiteti birləşdirən bu cəmiyyətin əsas məqsədi demokratik dəyərlər, sivil-hüquqi dövlət quruculuğu, qloballaşma dövründə mədəniyyətlərarası inteqrasiya məsələlərinin yaranmasında universitetlərin rolunun daha da gücləndirilməsindən ibarətdir. AUDEM-in üzvü olmaq üçün universitetlər müəyyən kriteriyalara cavab verməlidir. Sevindirici haldır ki, Azərbaycandan bu cəmiyyətə ilk olaraq 2007-ci ildə Azərbaycan Dillər Universiteti qəbul olunub. Sonrakı illərdə Xəzər Universiteti və Azərbaycan Turizm İnstitutu da AUDEM-in üzvü olub.
Bütün xəbərlər Facebook səhifəmizdə
USD
EUR
GBP
RUB