Ali məktəblərin boş qalan plan yerləri və tam orta təhsil bazasından orta ixtisas təhsili müəssisələrinə sənəd qəbulu bu gün yekunlaşır. Tələbə Qəbulu üzrə Dövlət Komissiyasnının mətbuat katibi Elnur Nağızadənin SİA-ya verdiyi xəbərə görə, 2012-2013-cü tədris ili üçün ali məktəblərin vakant və tam orta təhsil bazasından orta ixtisas təhsili müəssisələrinə keçiriləcək müsabiqədə iştirak üçün ixtisas seçimi bu gün gecə saat 00.00-da başa çatacaq.
İndiyədək 11328 abituriyent ixtisas seçimi ərizəsini təsdiqləyib. Ərizəsini təsdiqlədənlərin 10352-si Azərbaycan, 976-sı rus bölməsinin abituriyentidir. Abituriyentlərin 2712-si I, 2365-i II, 5011-i III, 1240-ı IV ixtisas qrupu üzrə keçiriləcək müsabiqədə iştirak üçün ixtisas seçimi ərizəsini təsdiqləyib.
Qeyd edək ki, bu il keçirilən qəbul imtahanlaırnın nəticələrinə əsasən II ixtisas qrupunda boş yerlər qalmayıb və təqdim olunan 9 304 plan yeri 100% dolub. I, III və IV qruplarda boş qalan 1920 yer var və həmin yerlərin siyahısı "Abituriyent" jurnalının 7-ci sayında dərc olunub.
Bütün xəbərlər Facebook səhifəmizdə
USD
EUR
GBP
RUB