KİV nümayəndələri üçün təlimat
Qəbul imtahanlarının gedişini izləmək üçün TQDK-da akkreditasiyadan keçməlisiniz. Akkreditasiya üçün aşağıdakılar tələb olunur:
1. Akreditasiyadan keçən müxbir və operatorun fotoşəkilləri (ölçüsü və formasına dair hər hansı məhdudiyyət qoyulmur)
2. Təyin olunduğunuz binaya gələrkən özünüzlə xidməti vəsiqə (etibarlılıq müddəti bitməmiş) və şəxsiyyəti təsdiq edən sənədinizi gətirməyi unutmayın. Bu sənədlərdən biri olmadıqda imtahan binasına buraxılmayacaqsınız.
3. İmtahan binasına daxil olarkən sənədlərinizi mühafizə xidmətinin əməkdaşlarına təqdim etməlisiniz. Təhlükəsizlik məqsədilə yoxlamadan keçməlisiniz.
İmtahanın gedişini izləyən KİV nümayəndələrinə aşağıdakılar qadağandır:
- İmtahan binasına mobil telefon, hər hansı tədris vəsaiti gətirmək;
- İmtahan müddətinin 2/3-si başa çatanadək imtahan binasını tərk etmək;
- İmtahanın gedişi zamanı abituriyent və ya imtahan nəzarətçiləri ilə söhbət etmək, imtahan zalında müsahibə götürmək;
- İmtahan başlandıqdan sonra imtahan zalına daxil olmaq (imtahanın gedişini yalnız imtahan zalının giriş qapısından izləyə və çəkiliş apara bilərsiniz).
- Abituriyentlərin diqqətini yayındıran, fikirlərini cəmləmələrinə mane olan hal və hərəkətlər (ucadan danışmaq, koridorda iti yerimək və. s. ) etmək;
- Mühafizə xidməti əməkdaşlarını lentə almaq.
QEYD: Akkreditasiyadan keçmək üçün tələb olunan sənədləri elektron formada [email protected] ünvanına da göndərə bilərsiniz.
Bütün xəbərlər Facebook səhifəmizdə
USD
EUR
GBP
RUB