Cari ilin may ayına qədər olan dövr ərzində Ali Attestasiya Komissiyası tərəfindən 1265 iddiaçıya elmlər doktoru elmi dərəcəsi, 7286 iddiaçıya fəlsəfə doktoru (elmlər namizədi) elmi dərəcəsi, 1064 iddiaçıya professor, 3984 iddiaçıya isə dosent elmi adı verilib. SİA-nın xəbərinə görə, bunu Azərbaycan Respublikasının Prezidenti yanında Ali Attestasiya Komissiyasının (AAK) sədri, akademik Arif Mehdiyev \"Azərbaycan\" qəzetinə müsahibəsində deyib. O bildirib ki, AAK-ın uyğun əsasnamələrinin tələbləri kobud şəkildə pozulduğuna görə, həmin dövr ərzində komissiya tərəfindən 73 doktorluq və 562 fəlsəfə doktoru (namizədlik) dissertasiyası üzrə attestasiya işindən, 151 professor və 709 dosent elmi adları almaq üçün təqdim edilmiş attestasiya işindən imtina olunub.
Bəzən
əsassız olaraq qərəzli mətbuat orqanlarında respublikada elmi dərəcə və elmi
ad alanların sayının son dərəcə artması və elmin "ucuzlaşması"
qeyd olunur. Lakin statistik təhlillər və digər ölkələrdəki uyğun rəqəmlərlə
müqayisələr faktlara və rəqəmlərə söykənməyən bu əsassız fikirləri tam təkzib
edir. Məsələn, 2005-2009-cu illəri əhatə edən dövr üzrə əhalinin hər milyon
nəfərinə düşən elmlər doktoru elmi dərəcəsi almış iddiaçıların illik orta sayı
Azərbaycan Respublikasında 10,5, fəlsəfə doktoru elmi dərəcəsi almış
iddiaçıların illik orta sayı isə 56,5 olduğu halda, Rusiya Federasiyasında
müvafiq dövr üçün uyğun rəqəmlər 24,7 (elmlər doktoru), 194,2 (elmlər namizədi)
olub.
Bütün xəbərlər Facebook səhifəmizdə
USD
EUR
GBP
RUB