Prezident İlham Əliyev təhsil müəssisələrində
təhsilalanların attestasiyasının, o cümlədən yekun attestasiyasının aparılması
qaydaları ilə bağlı tədbirlər haqqında sərəncam imzalayıb.
SİA-nın xəbərinə görə, sərəncamda qeyd olunur ki, Azərbaycan
Respublikasının Tələbə Qəbulu üzrə Dövlət Komissiyası ümumi təhsili həyata
keçirən təhsil müəssisələrində ümumtəhsil fənləri üzrə təhsil alanların
biliyinin yekun qiymətləndirilməsinin (attestasiyasının) həyata keçirilməsinin
müvəqqəti qaydalarını müəyyən etsin.
Bundan əlavə, Azərbaycan Respublikasının Nazirlər Kabineti iki ay müddətində təhsil müəssisələrində təhsilalanların attestasiyasının, o cümlədən yekun attestasiyasının aparılması qaydalarını Azərbaycan Respublikasının Prezidenti ilə razılaşdırmaqla təsdiq etsin.
Bütün xəbərlər Facebook səhifəmizdə