Azərbaycan Dillər Universitetinin (ADU) rektoru, millət vəkili, professor Səməd Seyidov Norveçin Azərbaycandakı fövqəladə və səlahiyyətli səfiri Erling Şönsberq ilə görüşüb. ADU-nun mətbuat xidmətindən SİA-ya verilən xəbərə görə, görüşdə ADU-nun Norveç universitetləri ilə əlaqələri, ADU-nun Skandinaviya mərkəzinin fəaliyyəti, Regionşünaslıq və beynəlxalq münasibətlər fakültəsində Notrveç dilinin tədrisi haqda fikir mübadiləsi aparılıb.
Rektor Səməd Seyidov bu il ADU-nun Regionşünaslıq və beynəlxalq münasibətlər fakültəsinin Skandinaviyaşünaslıq ixtisası üzrə təhsil alan 10 tələbəsi və 4 müəllimdən ibarət heyətin Oslo Universitetində Yay məktəbində olacaqlarını səfirin diqqətinə çatdırıb. Səfir Erling Şönsberq Norveçin universitetləri və ADU arasında əməkdaşlıq perspektivlərinin genişlənməsindən məmnunluğunu ifadə edib.
Tərəflər ölkələr arasında təhsil sahəsində əlaqələrin inkişaf etdirilməsi istiqamətində ADU-nun Norveçin Oslo, o cümlədən Aqder universitetləri ilə əməkdaşlığının gələcək perspektivlərini də müzakirə ediblər.
Bütün xəbərlər Facebook səhifəmizdə
USD
EUR
GBP
RUB