Bu gün,4 fevral – xərçənglə ümumdünya mübarizə günüdür. SİA-nın xəbərinə görə, bu tarix 2005-ci ildə Xərçəngə qarşı Beynəlxalq Mübarizə Birliyi tərəfindən təsis edilib. Əsas məqsəd dünya ictimaiyyətinin diqqətini bu qlobal problemə yönəltmək, onun nə dərəcədə təhlükəli olduğunu xatırlatmaqdı. Hər il 12 milyon insana xərçəng diaqnozu qoyulur və 7.6 milyon insan xərçəng xəstəliyindən vəfat edir. Xərçəng haqqında bugünkü ən pozitiv məqam odur ki, xərçəngin 40%-inin zamanında qarşısı alına bilər. Ümumdünya Xərçəng Gününün bu ilki şüarı belədir: \"Xərçəngin də profilaktikası mümkündür\". Adi tədbirlər görməklə - alkoqol və tütünün istifadəsindən, nizamsız pəhrizlərdən çəkinməklə, infeksion xəstəliklərdən qorunmaq, sağlam həyat tərzi keçirmək, fiziki əməklə daha çox məşğul olmaqla xəstəliyin qarşısını almaq mümkündür.
Məlumat üçün bildirək ki, xərçəngin 2 növü mövcuddur - xoşxassəli və bədxassəli şişlər. Xoşxassəli şişləri sağaltmaq mümkündür. Bədxassəli şişlər isə əsasən tənəffüs yollarında, ağız boşluğunun selikli qişasında, dərinin hüceyrə örtüyündə əmələ gəlir. Sonra isə limfa və qan yolu ilə bədənin digər orqanlarına yayılır. Xəstəliyin ilkin mərhələsində klinik əlamətlər aydın xarakterli olmur, ancaq sonradan özünü qabarıq şəkildə büruzə verir.
Xəstələrdə ağrı sindromları törədir, arıqlama, iştahasızlıq, yorğunluq müşahidə edilir. Bu xəstəliyin böyümə sürəti müxtəlifdir. Gizli şəkildə inkişaf edən şişlər bir neçə ilə üzə çıxır. Xəstəliyin gedişi onun təkcə orqanizmdə yayılma dərəcəsindən asılı olmur. Əsasən cavan yaşlarda, hamiləlik və laktasiya zamanı daha tez böyüyür.
Bütün xəbərlər Facebook səhifəmizdə
USD
EUR
GBP
RUB