Bakı Dövlət Universitetində görkəmli Azərbaycan şərqşünası, respublikanın əməkdar elm xadimi, professor Əlizadə Məmmədin 100 illik yubileyi münasibətilə tədbir keçirilib. SİA-nın xəbərinə görə, professor M.Əlizadə Şərqşünaslıq fakültəsinin dekanı (1962-1964) olub, uzun müddət Yaxın Şərq ədəbiyyatı və tarixi kafedrasının müdiri kimi fəaliyyət göstərib, fars dili ədəbiyyatının öyrənilməsində və gənc iranşünaslar nəslinin yetişdirilməsində müstəsna xidmətlər göstərib. M.Əlizadə ilə bağlı xatirələrini danışan A. Məhərrəmov alimin əsl elm adamı, azərbaycanlı kişisi və milli xarakterlərə məxsus insan kimi xarakterizə edib. Rektor bildirib ki, M. Əlizadənin 100 illiyi ilə bağlı BDU-da beynəlxalq elmi konfrans keçiriləcək.
Tədbirin sonunda ailə adından çıxış edən qızı, İran filologiyası kafedrasının dosenti Nüşabə Əlizadə atasının xatirəsinə göstərilən hörmət və ehtirama görə minnətdarlığını bildirib.
Bütün xəbərlər Facebook səhifəmizdə
USD
EUR
GBP
RUB