Yaxın vaxtlarda Azərbaycanda ali təhsil məktəbləri üçün yeni və müasir kampusların tikilməsi nəzərdə tutulub. SİA-nın məlumatına görə, bu barədə jurnalistlərə təhsil naziri Misir Mərdanov bildirib. Onun sözlərinə görə, hazırda ilk ali təhsil məktəbləri – Azərbaycan Diplomatik Akademiyası, Mülki Aviasiya Akademiyası və Moskva Dövlət Universitetinin Bakı filialında ən müasir kampuslar tikilməkdədir: \"Biz gələcəkdə digər ali məktəblər üçün də kampusların tikilməsini planlaşdırırıq\"- deyə əlavə edib.
M.Mərdanov həmçinin Yeni il şənliyi ilə bağlı məktəblərdə biletlərin uşaqlara məcburi satılmasına da münasibət bildirib: \"Heç kəs şagirdə məcburi bilet sata bilməz. Bu şagirdlərin və valideynlərin istəyi ilə ola bilər\".
Beynəlxalq Universitetin adının dəyişdirilməsi barədə mətbuatda yayılan məlumatlara münasibət bildirən nazir deyib: \"Mənim belə məlumatdan xəbərim yoxdur və belə bir şey yoxdur\".
Bütün xəbərlər Facebook səhifəmizdə
USD
EUR
GBP
RUB