Azərbaycan müəllimləri və şagirdləri Microsoft korporasiyasının təhsil üçün proqram məhsullarından yararlana biləcək. Microsoft Azərbaycan şirkətinin təhsil üzrə əməkdaşlıq proqramının meneceri Emin Axundovun SİA-ya verdiyi məlumata görə, Azərbaycanın təhsil sistemində riyaziyyat (MS Mathematics), kimya (MS Chemistry) və astronomiya (MS Worldwide Telescope) fənlərinin tədrisi zamanı istifadə üçün maraqlı və effektiv proqram əlavələri istifadə edilə bilər. Microsoft Office paketinə daxil olan Word proqramında istifadə üçün nəzərdə tutulmuş həllər tədris prosesini daha maraqlı edir və biliklərin daha effektiv aşılanmasına real kömək edir. Bu proqramlar "2008-2012-ci illərdə Azərbaycan Respublikasının təhsil sisteminin informasiyalaşdırılması üzrə Dövlət Proqramı" çərçivəsində ölkənin orta təhsil sistemində geniş tətbiqi nəzərdə tutulub.
E.Axundov qeyd edib ki, riyaziyyat fənninin tədrisi zamanı bir çox şagirdlərin rastlaşdığı maneələrdən biri qavranılması tələb olunan mürəkkəb anlayışların simvolik şəkildə təqdim olunmasıdır. Bir çox hallarda şagirdlər riyaziyyat elminin simvolik təqdimatı səviyyəsinə qədəm qoyduqda onu mürəkkəb və çətin hesab edir. E.Axundov hesab edib ki, bu da əslində normal bir haldır, çünki hər kəs məlumatı özünəməxsus şəkildə qavrayır - bir şagird daha çox eşitməyi tərcih edirsə, digəri vizual təqdimatı daha yaxın hesab edə bilər - bu da bizim psixo-fizioloji xüsusiyyətlərimizdən asılıdır.
"Bu problemi aradan qaldırmaq üçün Microsoft Mathematics (www.microsoft.com/mathematics) kimi proqram vəsaitləri şagirdlərə məlumatın istənilən qrafik və vizual şəkildə təsvirini yaratmağa imkan verir. Bununla da şagirdlər istənilən mürəkkəb formulanı vizual diaqrama çevirib qavrama rahatlığını əldə edə bilər. İnanıram ki, bu proqram müəllimlərimizə dəstək olub tədris imkanlarını artıracaqdır", - deyə E.Axundov bildirib.
Microsoft Azərbaycan şirkətinin nümayəndəsi bildirib ki, kimya fənni digər fənlərdən fərqli olaraqəsaslı səviyyədə xüsusi sxem və diaqramlarla bağlıdır. Microsoft Word üçün nəzərdə tutulan Chemistry Əlavəsi kimya fənninin tədrisində istifadə olunan formul və sxemləri təsvir etmək üçün xüsusi imkanlar təqdim edir. Bu alətin köməyi ilə H2O kimyəvi elementin sxematik görünüşünü bir-iki düymə ilə əldə etmək mümkündür.
Hal-hazırda məktəblərimizin qarşısında Astronomiya fənni ilə bağlı əsas problemlər hər məktəbdə teleskopun olmaması və dərslərin gündüz keçirilməsidir. Teleskopları əvəz etmək və ulduzları günorta keçirilən dərslər zamanı seyr etmək üçün məktəblər Microsoft Worldwide Telescope proqramını istifadə edə bilərlər.
"Bu virtual səma xəritəsi istənilən fəza obyektini tapıb, yaxınlaşdırıb və istənilən tərəfdən seyr etmək imkanı verir. Düşünürəm ki, bu proqram Astrologiya tarixi və ənənələri zəngin olan Azərbaycandayeni nəsil fəza alimlərinin yetişdirilməsinə öz töhfəsini verəcəkdir", - deyə E.Axundov bildirib.
Bütün xəbərlər Facebook səhifəmizdə
USD
EUR
GBP
RUB