Tələbə Qəbulu üzrə Dövlət Komissiyasının (TQDK) Naxçıvan regional bölməsində Azərbaycan Respublikasının dövlət müstəqilliyinin bərpasının 20-ci ildönümünə həsr olunan "Müstəqillik dövründə tələbə qəbulu sisteminin inkişaf mərhələləri" mövzusunda elmi-praktik konfrans keçirilib. SİA-nın xəbərinə görə, tədbirdə Naxçıvan MR təhsil ictimaiyyətinin nümayəndələri iştirak ediblər.Tədbirdən öncə konfrans iştirakçıları TQDK-nın fəaliyyətinə dair qısametrajlı sənədli filmə tamaşa ediblər.
Elmi-praktik konfransda məruzə ilə çıxış edən TQDK sədri Məleykə Abbaszadə dövlət müstəqilliyinin əldə edilməsinin Azərbaycan xalqının ən böyük sərvəti olduğunu bildirib. Qeyd olunub ki, 1993-cü ildə müasir Azərbaycan dövlətinin memarı və qurucusu Heydər Əliyevin hakimiyyətə qayıdışı ilə dövlətçiliyin məhv olmaq təhlükəsi aradan qalxıb, ümummilli liderin rəhbərliyi altında müstəqil dövlət quruculuğu istiqamətində məqsədyönlü gərgin və ardıcıl işlər görülüb. TQDK sədri ölkədə biliyin milli qiymətləndirmə sisteminin inkişaf yolundan geniş bəhs edərək Komissiyanın əldə etdiyi nailiyyətləri tarixi ardıcıllıqla sadalayıb.
Daha sonra konfransda Naxçıvan MR-nın təhsil naziri Piri Nağıyev, Naxçıvan Dövlət Universitetinin rektoru İsa Həbibbəyli, TQDK-nın şöbə müdiri Tariyel Bədəlov, TQDK Naxçıvan regional bölməsinin aparıcı məsləhətçisi Səməndər Nəsirov məruzə ilə çıxış ediblər.
Bütün xəbərlər Facebook səhifəmizdə
USD
EUR
GBP
RUB