Şirvanda bu il ali məktəbə qəbul olan gənclərlə görüş olub. SİA-nın Aran bürosunun məlumatına görə, YAP Şirvan şəhər təşkilatının qərargahında keçirilən tədbirdə İcra Hakimiyyətinin başçısı Mərdan Camalov və Şura üzüvləri iştirak ediblər.
Təhsil şöbəsinin müdiri Paşa Nəbiyev tədbir iştirakçılarına məlumat verərək bildirib ki, bu il ali məktəbə qəbul olunmaq üçün sənəd verən 508 nəfər məzundan 229 nəfəri ali məktəbə qəbul olub. Bunlardan 20 nəfəri 600 baldan çox, 20 nəfəri 500 baldan yuxarı bal toplayıb. 2 nəfər tələbə adına layiq görülən məzunumuz isə yüksək bal topladığı üçün Prezident təqaüdünə layiq görülüb.
İcra Hakimiyyətinin başçısı Mərdan Camalov çıxışında tələbələri təbrik edərək xoş arzularını bildirib. Qeyd edib ki, ölkə prezidenti İlham Əliyevin bütün sahələrə olduğu kimi təhsilə göstərdiyi xüsusi diqqətin nəticəsidir ki bu gün ali təhsil almaq istəyən gənclərimizin sayı ötən illərlə müqyisədə yüksələn xətt üzrə artmaqdadır. Xaricidə təhsi alan gənclərimiz də kifayət qədərdir və onların bütün qayğıları dövlət nəzarətindədir. Arzu edirik ki, sizlər də təhsilinizi müvəffəqiyyətlə başa vurub şəhərimizə ixtisaslı kadır kimi qayıdasınız.
Sonda tələbə adını qazanan gənclərə hədiyyələr təqdim edilib.
Bütün xəbərlər Facebook səhifəmizdə
USD
EUR
GBP
RUB