Bu gün Azərbaycanda orta məktəblərin 9-cu sinif şagirdləri üçün sonuncu payız buraxılış imtahanları keçiriləcək. Təhsil Nazirliyindən SİA-ya verilən xəbərə görə, sonuncu imtahan Bakı şəhəri üzrə keçirilir. Payız imtahanlarında 2010/2011-ci dərs ilində ümumi orta təhsil səviyyəsi üzrə iyunda keçirilən buraxılış imtahanında müvəffəq qiymət ala bilməyən və buraxılış imtahanlarına buraxılmayan şagirdlər iştirak edirlər.
İmtahanlar 7 bölgədə keçirilib. İmtahanların
keçirilməsinə sentyabrın 2-dən başlanıb. İmtahanın nəticələri yaxın
günlərdə rayon və şəhər təhsil şöbələrinə göndəriləcək. Şöbələr isə həmin nəticələri məktəblərə təqdim
edəcəklər.
Ümumilikdə payız imtahanlarında hələ 9-cu sinfi bitirməmiş təxminən 26 min
şagirdin iştirakı nəzərdə tutulur. Payız imtahanında qeyri-müvəffəq qiymət alan
şagirdlər sinifdə qalaraq yenidən 9-cu sinifdə oxuyacaqlar. Ümumi
orta təhsil səviyyəsi üzrə payız imtahanları verən şagirdin imtahan qiymətləri
imtahan fənləri üzrə şəhadətnaməsinə yazılacaq yekun qiymət hesab olunacaq.
Bütün xəbərlər Facebook səhifəmizdə
USD
EUR
GBP
RUB
