Azərbaycanda ingilis dili üzrə beynəlxalq imtahan vermək istəyənlər üçün pulsuz master-klasslar keçiriləcək. SİA-nın xəbərinə görə, master-klasslar "Milli kadr resurslarının ümumdünya inteqrasiyası" layihəsi çərçivəsində keçiriləcək və IBT, IELTS, SAT, IGCSE, GMAT, GRE kimi dünyanın tanınmış imtahanlarının verilməsinə dəstəkdir. Master-klasslar sentyabrın 10-da Caspian Biznes Mərkəzində keçiriləcək.
Master-klassların keçirilməsi 2007-2015-ci illərdə Azərbaycan gənclərinin xaricdə təhsili üzrə Dövlət Proqramının ümumi prinsiplərinə uyğundur. Gənclərin beynəlxalq imtahanları verməyə hazırlanması həm xaricdə təhsil almaq, həm də Azərbaycanda uğurlu karyera qurmaq üçün ilk addımdır. Master-klasslar çərçivəsində iştirakçılar imtahan verənlərin adətən üzləşə biləcəyi müxtəlif incəliklər və "sualtı daşlar" haqda məlumat əldə edəcək. "İştirakla təlim" interaktiv modeli iştirakçılara master-klasslar zamanı özlərinin imtahanlara hazır olub-olmadığını müəyyənləşdirməyə imkan verəcək.
Master-klassslar ingilis dili üzrə beynəlxalq imtahanlara hazırlıq sahəsində müsbət təcrübəyə malik olan Lingva-nın (www.lingva-school.com) müəllimləri tərəfindən keçiriləcək. Lingva-nın mütəxəssisləri ilə tam hazırlıq kursunu keçmiş şəxslərin təxminən 91%-ı sonradan xarici ingilis dilli ali məktəblərə daxil olmaq üçün uğurla imtahan verir.
Bütün xəbərlər Facebook səhifəmizdə
USD
EUR
GBP
RUB