Bu yaxınlarda "English Grambridge" adlı yeni dərslik işıq üzü görüb. Azərbaycan Dillər Universitetindən SİA-ya verilən xəbərə görə, I və II kurs tələbələri üçün nəzərdə tutulan yeni nəşr ingilis dilində ünsiyyət bacarığını genişləndirmək və təkmilləşdirmək üçün dəyərli dərs vəsaitidir. ADU-nun İngilis dilinin qrammatikası kafedrasının müdiri, dosent Leyla Cəfərovanın həmmüəllifi olduğu kitabda qrammatik strukturu məna, tətbiq və situasiyayla əlaqəli olan ünsiyyət qrammatikasının tədrisindən bəhs edir. Dərslikdə verilən qrammatik izahatlar hər dil strukturunu asanlıqla qavramağa kömək edir. Kitabda yer alan ünsiyyət fəaliyyətinin müxtəlifliyi barədə fikirlər qrammatika və ünsiyyətə inteqrasiya etməyə kömək edir, eləcə də ifadə etməyi və dərk etməyi araşdırmağa imkan verir. Nəşrdə yer alan testlər bütün semestrlərdə öyrənilmiş əsas cəhətlərə qiymət verir. Kitabın elmi redaktoru ADU-nun Elmi işlər üzrə prorektoru, professor Dünyamin Yunusov, rəyçiləri professorlar Nigar Vəliyeva, Balaxan Hüseynov, dosentlər Edison Hacıyev və Abbas Abbasovdur.
Bütün xəbərlər Facebook səhifəmizdə
USD
EUR
GBP
RUB