Avqustun 24-də Azərbaycan Dillər Universitetinin (ADU) rektoru, millət vəkili, professor Səməd Seyidov Almaniyanın Azərbaycandakı fövqəladə və səlahiyyətli səfiri Herbert Kvelleni qəbul edib. ADU-nun mətbuat xidmətindən SİA-ya verilən xəbərə görə, görüşdə ADU-nun Beynəlxalq əlaqələr üzrə prorektoru Jalə Qəribova da iştirak edib.
S.Seyidov səfiri salamlayaraq onu universitetdə görməkdən məmnun olduğunu bildirib. Azərbaycan Dillər Universitetinin tarixindən söz açan rektor universitetdə bütün dünya ölkələrinin, xüsusilə Qərbi Avropa ölkələrinin dillərinin öyrənildiyini bildirib. Tədris olunan dillərlə yanaşı, həmin ölkələrin dil və mədəniyyət mərkəzlərinin universitetdə mövcudluğu tələbələrə həmin dillərin mənimsəmək və ölkələri öyrənməkdə kömək edir. Bu baxımdan ADU-dakı Alman dili Mərkəzinin fəaliyyətini qənaətbəxş hesab edən rektor vurğulayıb ki, Alman mərkəzini universitet öz dəstəyi hesabına yaratmışdır, çünki buna ehtiyac vardı.
ADU-nun gələcək perspektivləri haqqında danışan S. Seyidov Azərbaycan Dillər Universitetinin maddi texniki bazalarının daha da genişlənməsi layihəsi üzərində iş getdiyini səfirin diqqətinə çatdırıb. Daha sonra universitetdə fəaliyyət göstərən fakültələr və kafedralar haqqında məlumat verən rektor Almaniya daxil olmaqla müxtəlif ölkələrdən yüksək ixtisaslaşmış müəllimlərin ADU-da dərs dediklərini söyləyib.
Səfir Herbert Kleven isə öz növbəsində ADU ilə əməkdaşlıqda maraqlı olduğunu bildirib. Almaniya universitetlərinin ADU ilə əlaqələrinin yaradılmasının ikitərəfli əlaqələrin dərinləşməsinə, elmi-mədəni əlaqələrə töhfəsini verəcəyinə əminlik ifadə edib.
Bütün xəbərlər Facebook səhifəmizdə
USD
EUR
GBP
RUB