Bu gündən orta ixtisas təhsil müəssisələrinə 11 illik tələbə qəbulu müsabiqəsində iştirak etmək üçün ixtisas seçiminə başlanır
Bu gündən 2011-2012-ci tədris ili üçün orta ixtisas təhsil müəssisələrinə tam orta təhsil bazasında (11 illik) tələbə qəbulu müsabiqəsində iştirak etmək üçün ixtisas seçiminə başlayır. SİA-nın xəbərinə görə, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında məlumat verib. O bildirib ki, ixtisas seçimi avqustun 9-dək internet vasitəsilə aparılır. Onun sözlərinə görə, abituriyent elektron ərizədə orta ixtisas məktəblərinin ixtisasları ilə yanaşı, ali təhsil müəssisələrinin boş qalan yerləri üzrə olan ixtisasların kodlarını da göstərə bilərlər. Orta ixtisas təhsili müəssisələrinə qəbul aparılan ixtisasların 3 qrupa bölündüyünü deyən TQDK sədri vurğulayub ki, I qrup ixtisasların müsabiqəsində ali təhsil müəssisələrinin I, II, II və ya IV qrupları, II qrup ixtisasların müsabiqəsində ali təhsil müəssisələrinin I və IV qrupları, III qrup ixtisaslarında isə yalnız III qrupu üzrə ümumi balı 100-dən az olmayan abituriyentlər iştirak edə bilərlər.
Bütün xəbərlər Facebook səhifəmizdə
USD
EUR
GBP
RUB