Bakı Şəhər Təcili və Təxirəsalınmaz Tibbi Yardım Stansiyasına günvurma ilə əlaqədar 37 nəfər müraciət edib - AÇIQLAMA
Son 4 gün müddətində Bakı Şəhər Təcili və Təxirəsalınmaz Tibbi Yardım Stansiyasına günvurma ilə əlaqədar olaraq 37 müraciət daxil olub. Bu barədə SİA-ya Bakı Şəhər Təcili və Təxirəsalınmaz Tibbi Yardım Stansiyasının baş həkimi Mürsəl Həmidov məlumat verib. O bildirib ki, müraciət edənlərdən 17 nəfəri xəstəxanaya çatdırılıb, qalanları isə ilkin yardım göstərildikdən sonra evə buraxılıb. M.Həmidov vurğulayıb ki, yay mövsumi başlayandan bu günə kimi isə günvurma ilə bağlı müraciət edənlərin sayı 107 nəfərə çatıb. Onun sözlərinə görə, Bakı şəhər Təcili və Təxirəsalınmaz Tibbi Yardım Stansiyası olaraq bizə müraciət edən 107 nəfərdən 39-u xəstəxanaya çatdırılıb, qalanları yüngül formada olduğuna görə, tibbi yardım göstərilib və evə buraxılıb. Baş həkim qeyd edib ki, stansiyada günvurma faktı ilə əlaqədar ölüm halına rast gəlinməyib.
Bütün xəbərlər Facebook səhifəmizdə
USD
EUR
GBP
RUB