Magistraturaya keçirilən qəbul imtahanları ilə bağlı müraciətlərə baxılması üçün Apelyasiya komissiyası işə başlayıb
Ali təhsil müəssisələrinin magistraturalarına
keçirilən qəbul imtahanları ilə bağlı müraciətlərə baxılması üçün Apelyasiya
komissiyası işə başlayıb. Tələbə Qəbulu üzrə Dövlət Komissisyasından SİA-ya
verilən xəbərə görə, vətəndaşların ali təhsil müəssisələrinin
magistraturalarına keçirilən qəbulla bağlı müraciətləri Apelyasiya komissiyası
tərəfindən iyulun 26-dan 28-dək araşdırılacaq.
Araşdırmalar zamanı ərizə forması və cavab kartının doldurulmasında texnoloji
səhvlərə yol verilməsi, imtahan qaydalarının bakalavr tərəfindən pozulması, bir
ali məktəbdən başqasına köçürülməsi, təhsil formasının və ya ixtisasın dəyişdirilməsi
və təhsil haqqının ödənilməsi ilə bağlı müraciətlərə baxılmır. Ali təhsil
müəssisələrinin magistraturalarına qəbul yalnız imtahanda toplanılan ballara
əsasən aparılır. Əhalinin heç bir sosial təbəqəsinə güzəşt nəzərdə tutulmur.
Bakalavr Apelyasiya komissiyasına şəxsiyyəti təsdiq edən sənəd təqdim etməklə,
şəxsən müraciət etməlidir. Apelyasiya komissiyasının işi başa çatdıqdan sonra
imtahanlarla bağlı heç bir müraciətə baxılmır.
Bütün xəbərlər Facebook səhifəmizdə
USD
EUR
GBP
RUB
