Tibb Universitetinin bütün fakültələrinə 500-530 baldan aşağı nəticə göstərənlərin heç biri qəbul ola bilməyəcək-MÖVQE
"Bu il IV ixtisas qrupu üzrə qəbul imtahanlarında əvvəlki illərin məzunları aşağı nəticə göstərib. Cari il IV xtisas qrupu üzrə ali məktəblərə keçirilən qəbul imtahanlarında əsas müsabiqə vəziyyəti Azərbaycan Tibb Universitetinin ixtisasları üzrə olacaq". SİA-nın xəbərinə görə, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə məlumat verib. O bildirib ki, burada ən prestijli ixtisas müalicə işidir. Onun sözlərinə görə, bu ixtisas üzrə 630 plan yeri ayrılıb və onlardan 130 yer ödənişsizdir: "Bu ixtisasa qəbul olmaq üçün ən aşağı bal 590 baldır. Daha yüksək bal toplayan 130 abituriyent müalicə işi fakültəsinə ödənişsiz əsaslarla qəbul olunacaq. Ola bilsin ki, daha yüksək bal toplayan abituriyentlər müalicə işini deyil, aqronmluq, stomatologiya və digər ixtisasları seçsin. 130 yerdə əgər boşluq yaranarsa, o zaman bu fakultənin balı 590-dan 570-ə düşə bilər. Heç kim əvvəlcədən keçid balının necə olacağını bilə bilməz, çünki keçid balları abituriyentlərin topladığı ballar əsasında müəyyənləşir. Ümumilikdə Tibb Universitetinin bütün fakültələrinə 500-530 baldan aşağı nəticə göstərənlərin heç biri qəbul ola bilməyəcək. Bu qrupda kifayət qədər 500 baldan yuxarı nəticə göstərənlər var".
Bütün xəbərlər Facebook səhifəmizdə
USD
EUR
GBP
RUB