Xəbər verdiyimiz kimi, ötən gün 2011/2012-ci tədris ili üçün Azərbaycan Respublikası ali təhsil müəssisələrinə və tam orta təhsil bazasından (11 illik) orta ixtisas təhsili müəssisələrinə I ixtisas qrupu üzrə qəbul imtahanı keçirilib. Tələbə Qəbulu üzrə Dövlət Komissiyasının mətbuat katibi Elnur Nağızadənin SİA-ya verdiyi xəbərə görə, I ixtisas qrupu üzrə imtahan verən abituriyentlərin əksəriyyətini oğlanların təşkil edir və bu da özünü imtahan qaydalarında pozulmasında əks etdirir. O bildirib ki, I qrup üzrə imtahanlarda oğlanların sayı qızlara nisbətən çox olduğundan imtahan zamanı qaydaları pozanlar III ixtisas qrupunun imtahanlarına nisbətən yüksək olub: "I qrup üzrə ərizə təqdim edən 33587 abituriyentdən 900-dən çoxu imtahanda iştirak etməyib. İmtahan zamanı təxminən 60 nəfər xaric olunub və onlar imtahan qaydalarını pozduğuna görə nəticələri ləğv olunub. Nəticəsi ləğv olunan abituriyentlərdən 2 nəfəri mobil telefonla imtahan girməyə cəhd göstərib, digərləri köçürmə hallarına yol verənlərdir. 1 abituriyent isə dostunun yerinə imtahandan keçməyə cəhd göstərib, lakin həmin şəxs imtahan zamanı müəyyən olunub və onun haqqında inzibati tədbirlər görüləcək".
İmtahanların təlimata uyğun keçirildiyini deyən E.Nağızadə vurğulayıb ki, imtahan respublikanın 4 şəhərində - Bakıda 41, Naxçıvanda 2, Gəncədə 6, Sumqayıtda 7 binada təşkil olunub: "Abituriyentlərə imtahan binalarının yerini müəyyən etməkdə kömək məqsədilə Komissiyanın internet saytında xüsusi xəritə-göstəricilərlə təchiz olunmuş, binaların ünvanlarının əks olunduğu proqram yerləşdirilib. Orta ümumtəhsil müəssisələrindən 2515 nəzarətçi-müəllimin iştirak edəcəyi imtahana 248 imtahan rəhbəri cəlb olunub. I ixtisas qrupu üzrə sənəd verənlərin 30965 nəfəri Azərbaycan bölməsinin, 2622 nəfəri isə rus bölməsinin məzunudur. Abituriyentlərin 19825 nəfərini oğlanlar, 13762 nəfərini isə qızlar təşkil edir. 18257 nəfər orta ümumtəhsil məktəblərinin builki məzunudur. 13974 nəfər orta ümumtəhsil məktəblərini əvvəlki illərdə bitirən məzunlardır. Bu ixtisas qrupu üzrə təhsil almaq istəyən 128 abituriyent xarici ölkələrin vətəndaşıdır. 127 abituriyent ali təhsillidir və I ixtisas qrupu üzrə ikinci ali təhsil almaq arzusundadır. 1229 abituriyent orta ixtisas təhsili müəssisələrinin məzunudur. Ən yaşlı abituriyent 1958-ci ildən, ən gənc isə 1996-cı ildəndir. Bakı şəhərində 24152 abituriyent, Naxçıvanda 1327 abituriyent, Gəncədə 3891, Sumqayıtda isə 4217 abituriyent imtahan verib. İmtahan bütün binalarda eyni vaxtda – saat 11:00-da başlanıb və 3 saat ərzində aparılıb".
Bütün xəbərlər Facebook səhifəmizdə
USD
EUR
GBP
RUB