Bu gün Bakı Dövlət Universitetinin rektoru, akademik Abel Məhərrəmov Azərbaycanda səfərdə olan Qazaxıstanın təhsil naziri Bakıdjan Jumaqulovun rəhbərlik etdiyi nümayəndə heyəti ilə görüşüb. SİA-nın xəbərinə görə, BDU haqqında ətraflı məlumat verən akademik Abel Məhərrəmov universitetin yaranma və inkişaf tarixindən, beynəlxalq əlaqələrindən bəhs edib. Rektor Qazaxıstanın ali təhsil ocaqları ilə əməkdaşlığa əhəmiyyət verməsindən, universitetlərin daha sıx və səmərəli fəaliyyət göstərmələri üçün birgə proqram və layihələrin mümkünlüyündən danışıb.
Öz növbəsində Bakıdjan
Jumaqulov Azərbaycan universitetləri,
xüsusən Bakı Dövlət Universiteti ilə əməkdaşlıqda maraqlı olduqlarını bildirib.
İkitərəfli əməkdaşlıq məsələlərinin müzakirə olunduğu görüşdə nümayəndə heyəti
BDU-nun strukturu, laboratoriyaları və elmi-praktik tədqiqat mərkəzləri, Nano
Araşdırmalar Mərkəzi ilə tanış olub.
Qonaqlar BDU-da fəaliyyət göstərən Abay
Kunanbayev adına Mərkəzə də baş çəkərək, ölkəmizdə Qazax mədəniyyətinə verilən
dəyərdən məmnun qaldıqlarını bildiriblər.
Bütün xəbərlər Facebook səhifəmizdə
USD
EUR
GBP
RUB