"Gələn ildən jurnalistika fakültəsinə hər hansı bir dəyişiklərin edilməsi barədə xəbərim yoxdur. Hələ ki Tələbə Qəbulu üzrə Dövlət Komissiyasının sədri mənəm və qərar biz tərəfdən qəbul olunur". SİA-nın xəbərinə görə, bu barədə TQDK sədri Məleykə Abbaszadə Mətbuat Şurasının sədri Əflatun Amaşovun jurnalistikaya qəbul imtahanında dəyişiklər ediləcəyi ilə bağlı açıqlamasına münasibət bildirərkən deyib. O söyləyib ki, bu il jurnalistikaya sənəd verən magistrlərin qəbulunda iştirak etmək üçün şuranın ekspertləri dəvət edilib. Onun sözlərinə görə, mütəxəssislər 53 yazı işini yoxlayıb ki, onların 54%-i, yəni 27 nəfəri qəbul olunub.
"Ümumiyyətlə hesab edirəm ki, jurnalistika, rejissorluq elə ixtisaslardır ki, ora insan hansısa müəyyən həyat təcrübəsini toplayaraq da gedə bilər. Düşünürəm ki, bu ixtisaslar üzrə ixtisaslaşmaq, mütəxəssis hazırlamaq üçün daha çox magistraturaya qəbul aparaq və burada imkan verək ki, humanitar və ya digər sahələrdən olan insanlar sənəd versinlər. Çünki ali məktəblərə yeni daxil olan bakalavrlar ilk illərdə hələ yaradıcılıq istiqamətlərini düzgün müəyyənləşdirə bilmirlər. Magistratura təhsili almaq istədikdə isə artıq insan özünü anlayır, müəyyən təhsili olur və öz fikrini kiməsə çatdırmaq istəyir. Jurnalistikanın keyfiyyətini qaldırmaq üçün yaradıcılıq ittifaqlarına, işə qəbul zamanı müəyyən tələblər qoymaq olar. Amma təhsil alan zaman belə tələblərin qoyulması düzgün olmazdı", - deyə o əlavə edib.
Bütün xəbərlər Facebook səhifəmizdə
USD
EUR
GBP
RUB