"Bu gün talassemiyalı xəstələrə qanın ehtiyacı azalıb. Son 5 ildə talassemiyalı xəstələr üçün lazım olan dərmanlar respublikaya gətirilir və Səhiyyə Nazirliyi tərəfindən onlara çatdırılır". SİA-nın xəbərinə görə, bu barədə Respublika Elmi Praktiki Hemofiliya Mərkəzinin rəhbəri (REPHM) Elmira Qədimova məlumat verib. O bildirib ki, əgər 2005-ci ilə qədər bu xəstələrə qandan düzəldilən plazma və ya qan köçürülürdüsə, bu gün hökumət tərəfindən təchiz edilən dərmanlarla bunların qarşısını almaq olar.
E.Qədimovanın sözlərinə görə, bu gün respublikada 1300-dən çox hemofiliyalı xəstə rəsmi qeydiyyatdadır. Xəstələrin əsas aktivliyi, yəni 600-dən çoxunun Bakı və paytaxt ətrafında yaşadığını deyən mərkəz rəhbəri vurğulayıb ki, respublikanın regionlarında aktiv müraciət edən xəstələrin sayı azdır. O qeyd edib ki, rəsmi qeydiyyatda olan 1300 xəstənin 700-800 nəfəri diş çəkməsi, cərrahiyyə əməliyyatı zamanı aşkarlanır.
"Bugün o xəstəliyin ambulator müalicəsini apara bilirik. Belə ki, xəstə dərmanlarla təchiz olunur və evdə müalicə alır. O xəstələrin hər birində dərmanlar olmalıdır. Xəstədə hər hansı bir halda qanaxma ola bilər və onun normal şəraitdə qarşısını almaq üçün hər bir xəstənin evində bu dərmanların olması vacibdir", - deyə o əlavə edib.
Hər bir ölkənin qana ehtiyacı olduğunu deyən E.Qədimova qeyd edib ki, bütün ölkələrdə doğuş, cərrahiyyə əməliyyatları zamanı qan lazım olur: "Əgər ölkədə irsi qan xəstəlikləri-talassemiya, hemofiliya kimi xəstələr varsa, onlara qanın köçürülməsi çox əhəmiyyətli və vacibdir. Hemofiliyalı xəstələrə güclü qanaxmalar zamanı əlavə qan lazım olur, talassemiyalı xəstələr isə qansız yaşaya bilmirlər".
Bütün xəbərlər Facebook səhifəmizdə
USD
EUR
GBP
RUB