Bakı şəhər üzrə Təhsil İdarəsi Azərbaycanın müstəqillik tarixində daha bir ilkə imza atacaq. Belə ki, ilk dəfə olaraq iyunun 30-da Bakıda orta məktəblərin məzunları üçün buraxılış gecəsi təşkil olunacaq. Bu barədə SİA-ya BŞTİ-nin ictimaiyyətlə əlaqələr sektorunun müdiri Zəminə Əliqızı məlumat verib. O bildirib ki, ayrı-ayrı məktəblərdə buraxılış gecəsi keçirilsə də, bu formada kütləvi və yüksək səviyyəli buraxılış gecəsi ilk dəfə təşkil olunacaq.
Tədbirin həmçinin idarənin yaradılmasının 5 illiyinə həsr ediləcəyini deyən Z.Əliqızı qeyd edib ki, bu mərasimdə 11-ci sinfin nümunəvi, istedadlı, müxtəlif sahələr üzrə yarışların qalibi olan şagirdlər iştirak edəcək: "Buraxılış gecəsinin rəsmi hissəsindən sonra BŞTİ-nin tabeliyində olan məktəbdənkənar təhsil müəssisələrinin istedadlı şagirdlərinin konsert proqramı təqdim olunacaq. Konsert proqramından sonra uşaqlar üçün diskoteka təşkil ediləcək".
Bütün xəbərlər Facebook səhifəmizdə
USD
EUR
GBP
RUB