İndoneziyada zəlzələlər - 480 ölü

İndoneziyanın Lombok adasında iki həftədə baş verən zəlzələlərdə ölənlərin sayı 483 nəfərə çatıb. SİA Anadolu informasiya agentliyinə istinadla xəbər verir ki, bu barədə ölkənin İctimai İşlər və Təhlükəsizlik Nazirliyinin rəsmisi Qarri Hikmət etdiyi yazılı açıqlamada bildirib.

Açıqlamada, avqust 5-də adada baş verən 7 bal gücündə zəlzələdə ölənlərin sayının 471 olduğu, dünən 6,3 və 6,9 bal gücündə ardıcıl iki zəlzələdə isə 12 nəfərin həyatını itirdiyi bildirilir.

Lombok adasında 15 gündə 800-dək zəlzələ qeydə alınıb. Zəlzələ nəticəsində 2 minə qədər binaya ziyan dəyib.

Adada axtarış xilasetmə işləri davam edir. Ölü sayının çox olacağı bildirilir.

Bütün xəbərlər Facebook səhifəmizdə

loading...