Bakıda məcburi eniş edən British Airways şirkətinin "Boeing 777" təyyarəsi uçuşa hazırdır. SİA-nın məlumatına görə, bu barədə Heydər Əliyev Beynəlxalq Aeroportundan məlumat verilib. Bildirilib ki, təyyarə uçuşa hazır olsa da ekipajın iş vaxtı bitib və istirahət etməlidir.
"Sərnişinlər aeroportun tranzit zonasında yerləşdirilib. Onlara istənilən kömək edilir, qida və içkilərlə təmin olunurlar. Təyarənin gələcək taleyi British Airways şirkətindən asılıdır", - deyə qeyd edilib.
“British Airways” şirkətinin “Boeing 777” təyyarəsi dekabrın 11-də Bakıda məcburi eniş edib. Mumbai-London istiqamətində uçan təyyarədə tüstülənmə yarandığına görə hava gəmisinin kapitanı Bakıda məcburi eniş etmək barədə qərar qəbul edib.
Müvəffəqiyyətlə yerə enən təyyarə hazırda Bakı aeroportundadır və texniki baxışdan keçirilib.
Təyyarənin 135 sərnişini və 17 heyət üzvü var.
İlk öncə təyyarənin kapitanı sərnişinlərin təyyarədə qalması barədə qərar qəbul etmişdi. Lakin sonra o, sərnişinlərin təyyarəni tərk etməsi barədə qərar qəbul edib.
Bütün xəbərlər Facebook səhifəmizdə
USD
EUR
GBP
RUB