Ermənistanın həbdə olan sabiq prezidenti Robert Koçaryanın son məhkəmə iclası açıq keçiriləcək. SİA erməni KİV-lərinə istinadla xəbər verir ki, Paşinyan hökuməti martın 1-dək bu məhkəmə prosesi ilə bağlı heç bir açıqlama verilməyəcəyini bəyan edib. Ermənistanın baş nazirinin bu məsələyə həmin gün Yerevanın mərkəzində keçiriləcək mitinqdə münasibət bildirəcəyi qeyd olunur.
“Past” qəzetinin yazdığına görə, hakimiyyətin sabiq prezidentin məhkəmə iclasını açıq keçirmək qərarı baş verəcək hər hansı insidentin qarşısını almaq məqsədi güdür. Belə ki, Paşinyan Avropa məhkəmə strukturlarına və digər demokratik təşkilatlara nümayiş etdirmək istəyir ki, ölkədə bütün hüquqi proseduralar “qanun çərçivəsində və konstitusiyaya uyğun” həyata keçirilir.
Qəzetin məlumatında Koçaryanın vəkillərinin Avropa İnsan Haqları Məhkəməsinə müraciətinə də müsbət cavab veriləcəyi qeyd olunur.
Bütün xəbərlər Facebook səhifəmizdə
USD
EUR
GBP
RUB