Meksikanın Quanaxuato ştatında gecə klubuna silahlı hücum nəticəsində 9 nəfər ölüb.
SİA xəbər verir ki, Meksika mətbuat orqanlarının yaydığı məlumata görə, silahlı şəxslər ştatın Apaseo El Alto şəhərindəki gecə klubuna basqın ediblər.
Yerli hakimiyyət orqanları hücum nəticəsində 9 nəfərin öldüyünü, çox sayda insanın yaralandığını bildirib.
Şübhəlilər hadisə yerindən qaçıblar. Polis ərazidə genişmiqyaslı əməliyyata başlayıb.
Digər tərəfdən Empalme Eskobedo qəsəbəsində dəstələr arasında baş verən silahlı qarşıdurmada 12-dən çox avtomobilin və bir neçə iş yerinin yandırıldığı bildirilib.
Quanaxuato ştatında ilin əvvəlindən bəri ölənlərin sayı 2424 nəfərə yüksəlib.
Bütün xəbərlər Facebook səhifəmizdə
USD
EUR
GBP
RUB