Venesuelada göyərtəsində beş hərbçi olan “C-208B” yüngül motorlu hücum təyyarəsi qəzaya uğrayıb.
SİA xəbər verir ki, "MEHR" informasiya agentliyinin məlumatına görə, insident Venesuelanın cənubundakı Amazonas əyalətindəki Xose Antonio Paes aviabazasından 3 km aralıda baş verib. Ştat qubernatoru Migel Rodriges təyyarənin sıx cəngəllikdə yerli insanlara kömək edən aviasiya qrupuna aid olduğunu söyləyib.
Ölkənin müdafiə naziri, general Vladimir Padrino Lopesin sözlərinə görə, qəza yerində 4 hərbçinin cəsədi tapılıb, beşincisinin axtarışları davam edir.
Venesuela Prezidenti Nikolas Maduro hadisənin başvermə səbəblərinin araşdırılması və həlak olanların yaxınlarına dəstək verilməsi barədə göstəriş verib.
Bütün xəbərlər Facebook səhifəmizdə
USD
EUR
GBP
RUB