Milli müdafiə naziri Hulusi Akar ABŞ Müdafiə Nazirliyinin nümayəndə heyətinin Ankarada olduğunu bildirib.
Hulusi Akarın sədrliyi ilə Türkiyə Silahlı Qüvvələrinin komandanlığı və milli müdafiə nazirinin müavini Yunus Emre Karaosmanoğlunun iştirakı ilə videokonfrans keçirilib.
SİA-nın türk saytlarından əldə etdiyi məlumata görə, Akar görüşdə Qara dəniz taxıl dəhlizinə münasibət bildirib.
Prezident Rəcəb Tayyib Ərdoğan və Birləşmiş Millətlər Təşkilatının Baş katibi Antonio Quterreşin sədrliyi ilə iyulun 22-də Qara Dəniz Taxıl Təşəbbüsü sənədinin imzalandığını və bu çərçivədə Ukrayna limanlarından taxıl daşınmalarına başlanıldığını bildirən nazir Akar 29 oktyabrda Sevastopoldakı hücumdan sonra Rusiya Federasiyasının tədarükünü dayandırdığını xatırladıb.
Nazir Akar bildirib ki, Türkiyə taxıl dəhlizinin yenidən açılması üçün intensiv danışıqlar apardı.
Taxıl dəhlizinin davam etdirilməsinin sülhə gedən yolun açılması baxımından əhəmiyyətli olduğunu dilə gətirən edən Akar deyib:
"İndi Cənab Prezidentimizin müəyyən etdiyi çərçivədə noyabrın 19-da başa çatacaq taxılçılıq təşəbbüsünün uzadılması ilə bağlı səylərimizi gücləndirmişik və onun uzadılması istiqamətində də səylərimiz davam edir. Taxıl təşəbbüsü yaxşı nümunədir ki, nəinki taxıl daşınması həm də tərəflərin danışıqlar yolu ilə bəzi problemləri həll edə biləcəyini ifadə edir. Bu modeldən istifadə etməklə yaxın günlərdə atəşkəs əldə oluna bilər. Sülh və sülhə gedən yolun açılmasını və bu münaqişənin həll olunması səmimi arzumuzdur”.
Digər tərəfdən, ABŞ Müdafiə Nazirliyindən bir nümayəndə heyətinin Türkiyəyə gəldiyini açıqlayan Akar “Bu gün Milli Müdafiə Nazirliyində Türkiye-ABŞ Yüksək Səviyyəli Müdafiə Qrupu Toplantısı keçirilir” deyib.
Bütün xəbərlər Facebook səhifəmizdə
USD
EUR
GBP
RUB