Xarici işlər naziri Mövlud Çavuşoğlu Türkiyenin xarici siyasət vasitəçiliyində qlobal markaya çevrildiyini bildirib.
SİA-nın türk saytlarından əldə etdiyi məlumata görə, Mövlud Çavuşoğlu Antalyada Akdeniz Universitetinin tədris ilinin açılış mərasimində çıxış edib.
Çavuşoğlu xatırladıb ki, Türkiye Birləşmiş Millətlər Təşkilatı, Avropa Təhlükəsizlik və Əməkdaşlıq Təşkilatı (ATƏT) və İslam Əməkdaşlıq Təşkilatına eyni vaxtda həmsədrlik edən yeganə ölkədir.
Vasitəçilik deyildikdə Türkiyenin adının çəkildiyini deyən nazir Çavuşoğlu Rusiya-Ukrayna, Bosniya-Herseqovina, Kosovo-Serbiya, Somali, Filippin, Fələstin və Venesuelada görülən işlərdən danışıb.
Afrikanın genişlənmə siyasətinin hiss olunan nəticələr verməyə başladığını və tərəfdaşlıq layihəsinə çevrildiyini qeyd edən Çavuşoğlu 2002-ci ildə 12 olan nümayəndə sayının bu gün 44-ə yüksəldiyini, ticarətin isə müvafiq dövrdə 4,3 milyard dollardan 34,5 milyarda dollara çıxdığını deyib.
Latın Amerikasındakı nümayəndəliklərin 6-dan 19-a, buradakı ölkələrlə ticarətin isə 1 milyard dollardan 15 milyard dollara yüksəldiyini qeyd edən Mövlud Çavuşoğlu avqust ayında "Türkiye Avropadır" deyə Avropaya açılma siyasətini də elan etdiklərini dilə gətirib.
Çavuşoğlu bu gün Avropanın mərkəzində adi müharibənin olduğunu və qitənin zəifləməsinin Türkiyenin də iqtisadi maraqlarına zidd olduğunu bildirib:
“Avropanın sabitliyi hamımız üçün vacibdir” .
Xarici işlər naziri qeyd edib ki, Cənubi Qafqazda Azərbaycana verdikləri dəstək ilə 30 ildir davam edən ədalətsiz erməni işğalına son qoyulub.
Bütün xəbərlər Facebook səhifəmizdə
USD
EUR
GBP
RUB