Birləşmiş Millətlər Təşkilatı Liviyada fəaliyyət göstərən sülhməramlı missiyasının mandatını daha bir il uzadıb. SİA bu barədə Türkiyə saytlarına istinad edir.
Birləşmiş Millətlər Təşkilatının Təhlükəsizlik Şurasına (BMTTŞ) üzv dövlətlər BMT-nin Liviyada fəaliyyət göstərən sülhməramlı missiyasının mandatının uzadılmasına dair 2656 saylı qətnaməni yekdilliklə qəbul ediblər.
Qərara əsasən, BMT sülhməramlılarının mandatı 2023-cü ilin 31 oktyabr tarixinədək uzadılıb.
Xatırladaq ki, İyulun 28-də BMT Təhlükəsizlik Şurasının 12 üzvünün səsverməsi ilə BMT-nin Liviyadakı sülhməramlı missiyasının mandatı 3 ay müddətinə uzadılmışdı.
Birləşmiş Millətlər Təşkilatının Liviyadakı sülhməramlı missiyası ölkədə yaşanan münaqişələr səbəbindən Liviyadakı siyasi keçid prosesini dəstəkləmək üçün Liviya hakimiyyətinin tələbi ilə 2011-ci ilin 16 sentyabr tarixində BMT Təhlükəsizlik Şurası tərəfindən yaradılmışdı.
Sentyabrın 25-də Abdoulaye Batilinin rəhbərlik etdiyi missiya Liviyada hərbi qüvvələrin və iqtisadi qurumların bölünməsinə son qoymaq üçün 98 yerli personal, 210 beynəlxalq heyət və 6 BMT könüllüsü ilə işləyir və münaqişə tərəfləri arasında vasitəçi rolunu oynayır.
Bütün xəbərlər Facebook səhifəmizdə
USD
EUR
GBP
RUB