İranda nümayişlər zamanı həbs olunanların məhkəməsi başlayıb.
SİA-nın xarici qaynaqlardan əldə etdiyi məlumata görə, İran dövlət televiziyasının xəbər verir ki, paytaxt Tehranda mətbuat konfransı keçirən Ədliyyə sözçüsü Məsud Setayeşi Məhsa Əmininin həbsdə olarkən ölümündən sonra başlayan etirazlar zamanı həbs olunan nümayişçilərə qarşı ittihamnamələrin hazırlandığını bildirib.
Setayeşi "Bütün ölkədə məhkəmə prosesləri başlayıb. Tehran, Əlburz, İsfahan və Kürdüstan əyalətlərindəki prokurorluqlar bununla bağlı liderlik ediblər. İttihamnamələr məhkəmələrə göndərilib" deyə ifadə edib.
Nümayişlərə qatılanlarla nümayişlər zamanı “ictimai asayişi pozanların” ayrıldığını və bu prosesin davam etdiyini bildirən Setayeşi deyib:
"Cinayət törədənlər, insanların hüquqlarını pozanlar bilməlidirlər ki, məhkəmə onları ən ağır şəkildə cəzalandıracaq".
Etirazlara təhrik və casusluq” ittihamı ilə ölkədə həbs edilən 2 Fransa vətəndaşının vəziyyəti ilə bağlı suala cavab verən Setayeşi "bu mühüm məsələ üçün gərgin istintaq aparılmalıdır. Müttəhimlərdən
strateji məlumatlar alındı" deyib.
Setayeşi sözügedən istintaq çərçivəsində fransız məhbuslarla əlaqəsi müəyyən edilən digər şəxslərin də həbs edildiyini bildirib.
Bütün xəbərlər Facebook səhifəmizdə
USD
EUR
GBP
RUB