Ukrayna Prezidenti Volodimir Zelenski qadınların hərbi qeydiyyata alınmasının könüllü proseduru haqqında qanun imzalayıb. SİA xarici mətbuata istinadən xəbər verir ki, bunu Ali Radanın saytında 6482 nömrəli “Hərbi vəzifə və hərbi xidmət haqqında” qanun layihəsinin kartında yer alan qeyd sübut edir. Qanun layihəsi cümə günü, oktyabrın 21-də Ukrayna Prezidenti tərəfindən imzalanıb.
Xatırladaq ki, oktyabrın 7-də Ali Rada qadınların hərbi qeydiyyata alınmasının könüllü proseduru haqqında qanun layihəsini ikinci oxunuşda və ümumilikdə qəbul edib.
Bildirilir ki, Müdafiə Nazirliyi tərəfindən təsdiq edilmiş siyahıda müəyyən edilmiş müvafiq hərbi ixtisasa və ya peşəyə malik olan qadınlar öz xahişi ilə hərbi qeydiyyata götürülür.
Bütün xəbərlər Facebook səhifəmizdə
USD
EUR
GBP
RUB