Çeçenistan rəhbəri Ramzan Kadırov Rusiya prezidenti Vladimir Putinin çoxdan gözlənilən bir sıra regionlarda hərbi vəziyyətin tətbiqi ilə bağlı qərarını, habelə subyektlərin rəhbərlərinə əlavə səlahiyyətlərin verilməsini “dəyərləndirib”.
“...Bu gün Ali Baş Komandan tərəfindən çox gözəl qərarlar qəbul edilib. Çox sadiq və biz bunu çoxdan gözləyirdik”.
SİA-nın rus saytlarından əldə etdiyi məlumata görə, Kadırov bunu “Telegram”da yazıb.
Onun sözlərinə görə, “...bir güllə Rusiyaya doğru getsə belə, qərar qəbul edən mərkəzləri nəinki vurmaq, hətta onları yer üzündən silmək lazımdır”.
“...Mən belə düşünürəm - balıq başından iylənər, ona görə də yuxarılardan başlamaq lazımdır. Əvvəlcə ərazilərimizi atəşə tutmaq əmrini verənləri toz halına salın ki, onlar mülki əhalinin taleyini hiss etsinlər və yalnız bundan sonra sıravi əsgərləri götürün. Yeri gəlmişkən, bu gün yüzlərlə insan təslim olub. Onlar Ukrayna küçələrində necə tutulduqlarından, zorla ətçəkən maşına göndərildiklərindən şikayətlənirlə”, - deyə Çeçenistan rəhbəri yazıb.
Qeyd edək ki, bundan əvvəl Putin Xerson və Zaporojye vilayətlərində, Luqansk və Donetsk xalq respublikalarında hərbi vəziyyətin tətbiqi barədə qərar qəbul etdiyini açıqlayıb.
Putin, həmçinin Rusiyanın bütün regionlarının rəhbərlərinin təhlükəsizliyi təmin etmək üçün əlavə səlahiyyətlər alacaqlarını bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB