İsveçdə sentyabrın 11-də keçirilən seçkilərdən 36 gün sonra sağçı koalisiya hökuməti quruldu.
SİA-nın əldə etdiyi məlumata görə, Mötədil Mühafizəkarlar Partiyası (M), Liberal Partiyası (L) və Xristian Demokrat Partiyası (KD) ilə üçtərəfli koalisiya hökuməti parlamentdə etimad səsverməsi alıb.
İfrat sağçı İsveç Demokratlar Partiyası (SD) da hökuməti kənardan dəstəklədiyini açıqlayıb.
Əsas müxalifət olan Sosial Demokrat Partiyası (S), Yaşıllar və Ətraf Mühit Partiyası (MP), Sol Partiyası (V) və Mərkəz Partiyası (C) etimad səsverməsində hökuməti dəstəkləməyib.
Sağçı koalisiya hökuməti 173 əleyhinə səsinə qarşı 176 lehinə səs toplayıb.
Mötədil Mühafizəkarlar Partiyasının sədri və İsveçin baş naziri Ulf Kristersson baş nazir seçildiyinə görə çox şad olduğunu və oktyabrın 18-də yeni kabineti açıqlayacağını bildirib.
İsveçdə sentyabrın 11-də keçirilən parlament seçkilərinin nəticələrinə görə, sağçı partiyalar 49,6, azlıq hökuməti və hakim sol partiyalar 48,9 faiz səs toplayıb. Müvafiq olaraq, 349 yerlik parlamentdə sağçı partiyalar 176, solçular isə 173 yer qazanıb.
Qeyd edək ki, ifrat sağçı İsveç Demokratlar Partiyası (SD) seçkilərdə 20,5 faiz səs toplayaraq ölkənin ikinci ən böyük partiyası kimi diqqət çəkib.
Bütün xəbərlər Facebook səhifəmizdə
USD
EUR
GBP
RUB