Almaniya Müdafiə Nazirliyi “IRIS-T” hava hücumundan müdafiə sistemlərinin tezliklə Ukraynaya çatdırılmasının vacibliyini açıqlayıb.
SİA-nın rus saytlarından əldə etdiyi məlumata görə, bu barədə hərbi idarənin Tvitter səhifəsində məlumat verilib.
"Almaniya Ukraynanı dörd IRIS-T SLM hava hücumundan müdafiə sistemlərindən birincisi ilə təmin edir", - Müdafiə Nazirliyi vurğulayıb.
Hərbçilər Rusiyanın oktyabrın 10-da keçirdiyi kütləvi zərbənin “bu potensialın Ukraynanın özünümüdafiəsi üçün nə qədər vacib olduğunu” göstərdiyini bildirib.
Qeyd edək ki, Almaniya artıq Ukraynaya “Gepard” özüyeriyən zenit silahları, “M113” zirehli transportyorları, “Stinger” insan daşına bilən hava hücumundan müdafiə sistemləri və digər silahlar verib.
Ötən yay Almaniya hakimiyyəti yaxın həftələrdə Kiyevə “IRIS-T” hava hücumundan müdafiə sistemləri verəcəyini də bildirmişdi.
Xatırladaq ki, bu günlərdə Almaniyanın xarici işlər naziri Annalena Burbok Berlinin Kiyevə silah tədarükü “ərəfəsində” olduğunu bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB