Estoniyanın xarici işlər naziri Urmas Reinsalu diplomatik qeydiyyat nömrələri olan avtomobillərin parklanması prosedurunun dəyişdirilməsi təklifi ilə meriyaya müraciət edib.
SİA-nın “RİA Novosti”yə istinadən verdiyi məlumata görə, Reinsalunun məlumatına görə, Rusiya və Belarus diplomatları Tallində pulsuz park edə bilməməlidirlər.
Nazir bildirib ki, İçərişəhərdə diplomatik nömrəli avtomobillərin dayanması ilə bağlı qəzəbli vətəndaşlar tərəfindən idarəyə müraciətlər daxil olub. Onun sözlərinə görə, bu, xüsusilə Rusiya səfirliyinin avtomobillərinə aiddir.
Reinsalu aydınlaşdırıb ki, heç bir beynəlxalq norma diplomatik nümayəndəliklərin avtomobillərinin parkinq ödənişlərindən azad edilməsini tələb etmir.
Tallin merinin müavini Tanel Kiikin sözlərinə görə, Şəhər Şurası Reinsalunun müraciəti ilə bağlı qərar qəbul edəcək.
“Mənim nöqteyi-nəzərimə görə, dərhal ortaya çıxan ilk sual budur: bu, öz növbəsində, Rusiya və Belarusdakı səfirliklərimizin işinə necə təsir edəcək? Hər hansı tədbir görərkən həmişə mümkün əks reaksiyanı nəzərə alınmalıdır”, - Kiik bildirib.
O, ölkənin Xarici İşlər Nazirliyini mümkün nəticələri müstəqil qiymətləndirməyə çağırıb.
Əli Babayev
Bütün xəbərlər Facebook səhifəmizdə
USD
EUR
GBP
RUB