Serbiya lideri Vuçiç çərşənbə günü, sentyabrın 28-də Belqradın Donetsk və Luqansk Xalq Respublikaları, Zaporojye və Xerson vilayətlərində keçirilən referendumları tanımayacağını bildirib.
SİA-nın əldə etdiyi məlumata görə, bu barədə xəbəri TASS bəyan edib.
“...Serbiya bunu [referendumu] tanıya bilməz, tanımır, çünki Serbiya BMT Nizamnaməsinə, BMT qətnamələrinə əməl edir”.
Qeyd edək ki, bunu Rusiyanın ən yaxın “müttəfiqi” bildirib.
Vuçiç izah edib ki, Serbiyanın həm öz ərazi bütövlüyünü, həm də beynəlxalq səviyyədə tanınmış ölkələrin bütövlüyünü müdafiə edir. O əlavə edib ki, bu mövqe Belqradın maraqlarına uyğundur və respublika üçün “həlledici əhəmiyyətə malikdir”.
Serbiya lideri onu da vurğulayıb ki, o, nə Rusiya prezidenti Vladimir Putini, nə də ABŞ prezidenti Cozef Baydeni dəstəkləmir və xarici liderlərin “siqnallarına” cavab vermir. O, yalnız Serbiyanın maraqları üçün mübarizə aparır.
Yeri gəlmişkən ölkənin xarici işlər naziri Nikola Selakoviç də Belqradın referendumun nəticələrini dəstəkləməyəcəyi ilə bağlı xəbərdarlıq edib.
Qeyd edək ki, bundan əvvəl Moskva ilə Belqrad arasında münasibətlərin 2020-ci ildə bir qədər pisləşdiyi bildirilirdi. Belə ki, bu, ölkənin birdən-birə “Slavyan qardaşlığı”ndan – Rusiya, Belarus və Serbiyanın təlimlərində iştirakdan imtina etməsində də aydın görünürdü.
Ağasəf Babayev
Bütün xəbərlər Facebook səhifəmizdə
.jpg)
USD
EUR
GBP
RUB