Türkiyə Daxili İşlər Nazirliyinin Təbii Fəlakət və Fövqəladə Hallar Agentliyi (AFAD) Pakistanda daşqın qurbanları üçün indiyədək 26 min çadır və 400 mindən çox qida və gigiyena bağlaması paylayıb.
SİA-nın türk saytlarından əldə etdiyi məlumata görə, Pakistandakı sel fəlakəti ilə bağlı son vəziyyəti görüşmək üçün dünən paytaxt İslamabada gedən AFAD sədri Yunus Sezər Pakistan Milli Fəlakət İdarəetmə Agentliyində (NDMA) rəsmilərlə bir araya gəlib.
Yığıncaqdan sonra verdiyi açıqlamada AFAD sədri Sezər Pakistan rəsmilərindən sel fəlakətindəki son vəziyyətlə bağlı məlumat aldıqlarını və yeni ehtiyaclara uyğun yardım kampaniyalarını istiqamətləndirmək üçün İslamabada geldiklərini bildirib.
Türkiyədən Pakistana 14 təyyarə yardım göndərildiyini və bu gün sayca 13-cü xeyirxahlıq qatarının yola düşəcəyini bildirən Sezər suyun bəzi yerlərdə çəkilməsinin sevindirici olduğunu vurğulayıb.
AFAD olaraq Pakistanda təxminən 30 nəfərlik bir heyətin olduğunu ifadə edən Sezər "Pakistanda 26 min çadır və 400 mindən çox ərzaq və gigiyena bağlaması payladıq" deyib.
Pakistanda iyunun 14-dən bəri davam edən musson yağışlarının yaratdığı sel fəlakətləri nəticəsində 1638 nəfər ölüb, 12 mindən çox insan yaralanıb.
Bütün xəbərlər Facebook səhifəmizdə
USD
EUR
GBP
RUB