ABŞ prezidenti Cozef Bayden Rusiyanı BMT Təhlükəsizlik Şurasından çıxarmaq təşəbbüsü ilə çıxış etmək niyyətində deyil.
SİA TASS-a istinadən xəbər verir ki, bu barədə ABŞ prezidentinin milli təhlükəsizlik üzrə köməkçisi Ceyk Sallivan bildirib.
Onun dediyinə görə, Bayden sabah BMT-dəki çıxışı zamanı bu məsələni qaldırmayacaq.
Bundan əvvəl bildirilmişdi ki, ABŞ prezidenti Cozef Bayden, dövlət katibi Entoni Blinken və ABŞ-ın BMT-dəki səfiri Linda Tomas-Qrinfild Baş Assambleyanın yüksək səviyyəli sessiyasının həftəsində təşkilatın Təhlükəsizlik Şurasında islahatların aparılması məsələsini qaldıracaqlar.
Qeyd edək ki, hazırda BMT Təhlükəsizlik Şurası 15 üzv dövlətdən ibarətdir - beşi daimi, qalan onu isə qeyri-daimi.
BMT Təhlükəsizlik Şurasının daimi üzvləri - Böyük Britaniya, Çin, Rusiya, ABŞ və Fransanın "veto hüququ" var.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB