Rusiyanın maliyyə naziri Anton Siluanov, yaxın üç il üçün Rusiya büdcəsinin onun karyerasında ən çətin büdcə olacağını bildirib.
SİA TASS-a istinadən xəbər verir ki, o, bu barədə “Rossiya-24” telekanalının efirində məlumat verib.
Nazirin sözlərinə görə, 2023-2025-ci illər üçün büdcə layihəsi hazırlanarkən ona Rusiyanın sanksiyalar qarşısında texnoloji suverenliyinə nail olmaq üçün vəsait daxil edilir.
Siluanov deyir ki, biz məhdudiyyət və sanksiyalarla üzləşəndə anladıq ki, bir sıra kritik texnologiyalar ölkəmizdə istehsal olunmur. Ona görə də xaricdən aldığımız bu səlahiyyətlərin artırılması məsələsi, əlbəttə ki, kifayət qədər uzun proqramdır. Lakin bunsuz biz texnoloji suverenliyi təmin edə bilmərik.
Təbii ki, maliyyə nazirinin də etiraf etdiyi kimi, “...bütün bunlar da pul tələb edir və biz həm cari ildə belə pul axtarırıq, həm də qarşıdakı 3 illik dövr üçün büdcəni hazırlayarkən onu da qoyuruq”.
Həmçinin, nazirin sözlərinə görə, yeni büdcədə enerji ixracının üzən həcmləri nəzərə alınmalıdır. “Qeyd edilən məhdudiyyətlər, o cümlədən neftin tədarükünün məhdudlaşdırılması kontekstində təkcə bu enerji daşıyıcılarının qiymətlərini deyil, həm də ola bilsin ki, tədarük həcmini də nəzərə almaq vacibdir. Xarici tədarükün həcmi istehsalın həcminə təsir göstərir. Çünki ölkə büdcəsinə daxil olan gəlir də müvafiq olaraq ondan asılıdır. Ona görə də büdcə qaydalarının yeni redaksiyasında biz özümüzü həcm baxımından müxtəlif risklərdən qorumaq üçün bu göstəricini də nəzərə almaq istəyirik”, - deyə Siluanov bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB