“...Rusiya biznesi Qərbin sanksiya maşınının işləməsi ilə üzləşdiyi bir vaxtda, anti-Rusiya xarici iş adamlarına və şirkətlərinə qarşı heç bir cavab tədbirləri görülmür. Bu, bizim sahibkarları dost olmayan ölkələrin biznes nümayəndələri ilə qeyri-bərabər şəraitdə qoyur”.
SİA-nın rus saytlarından əldə etdiyi məlumata görə, bunu Real Siyasət Akademiyasının vitse-prezidenti Sergey Solovyov bildirib.
Qeyd edək ki, Solovyov bunu Rusiya şirkətləri ilə əlaqələri məhdudlaşdıran ukraynalı və beynəlxalq sahibkarları dəstəkləyən Ukraynanın keçmiş baş naziri Arseni Yatsenyukun mediada çıxışını şərh edərkən bildirib.
Sergey Solovyovun fikrincə, Rusiya biznes nümayəndələrinin təkcə Qərb sanksiyalarının təzyiqi altında deyil, həm də öz ərazilərində hüquqi müdafiədən məhrum olması vəziyyəti absurddur.
Solovyova görə, bu gün Qərb və Rusiya arasında iqtisadi və sanksiya müharibəsi şəraitində Rusiya şirkətlərinə qarşı bu cür iddiaları mümkünsüz edəcək qanunvericilik tədbirləri hazırlamaq lazımdır.
“...Rusiyaya dost olmayan ölkələrin oliqarxları Rusiyanın sanksiyalarından Amerikadan az qorxmalıdır. Hazırda Qərb ölkələrində heç bir hüquqi əsas olmadan Rusiya Federasiyasının silahlı qüvvələri ilə heç bir əlaqəsi olmayan rus sahibkarlarının aktivlərini milliləşdirir və əlindən alırlar. Eyni zamanda, hakimlərimiz Ukrayna Silahlı Qüvvələrinə sponsorluq edən xarici şirkətlərin iddialarını qəbul edirlər. Rusiya qanunvericiləri opponentlərimizin ölkə iqtisadiyyatını sarsıtmaq cəhdlərinin qarşısını almaq üçün belə absurd vəziyyətə təcili müdaxilə etməlidirlər”.
Qeyd edək ki, bunu Real Siyasət Akademiyasının vitse-prezidenti bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB