Birləşmiş Millətlər Təşkilatı (BMT) Somalidəki ərzaq böhranı ilə mübarizə üçün təcili yardım çağırıb.
BMT-nin Somali üzrə xüsusi nümayəndəsi Ceyms Svan Somalidə keçirilən görüşdən sonra verdiyi açıqlamada ölkədəki quraqlıq və qida probleminə diqqət çəkib: "Bu məsələ ilə maraqlı tərəfləri Somalidəki ərzaq böhranını həll etmək üçün təcili olaraq lazım olan maliyyəni təmin etməyə çağırıram".
SİA-nın əldə etdiyi məlumata görə, görüşdə Somalidəki təhlükəsizlik vəziyyəti və silahlı təşkilatlarla mübarizənin də müzakirə edildiyini bildirən Svan ölkədəki qida böhranından ən çox qadın və uşaqların təsirləndiyini sözlərinə əlavə edib.
Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) məlumatına görə, Somalinin 80 faizi ciddi quraqlıqla mübarizə aparır.
Somali hökuməti artan quraqlıq səbəbindən noyabrın 23-də ölkə daxilində "fövqəladə vəziyyət" elan edib.
Ümumdünya Səhiyyə Təşkilatı (ÜST) də Somalidəki humanitar böhranla bağlı beynəlxalq ictimaiyyəti təcili yardım göstərməyə çağırıb.
Bütün xəbərlər Facebook səhifəmizdə
USD
EUR
GBP
RUB