Rusiya tərəfi ABŞ-ın BMT Təhlükəsizlik Şurasının Ukrayna ilə bağlı çağırdığı iclası üçün, dəqiq desək iclasa qatılacaq Qərb ölkələri üçün bir neçə sürpriz hazırlayıb.
SİA-nın rus saytlarından əldə etdiyi məlumata görə,
bu barədə Rusiyanın BMT-dəki daimi nümayəndəsi Dmitri Polyanski özünün Telegram kanalında danışıb.
Daimi nümayəndə bildirib ki, BMT Təhlükəsizlik Şurasının qarşıdakı iclasında ukraynalıların Rusiya ərazisində guya həyata keçirilən “süzgəcdən keçirilməsi” mövzusunun müzakirəsi planlaşdırılır. O, qeyd edib ki, Qərb ölkələri Moskva üçün narahat olan mövzu axtarışında “barmaqlarını sümüyə qədər sordular”.
“...Əlbəttə, bizim də cavab olaraq deyəcək sözümüz var, bizim keçmiş qərb tərəfdaşlarımızı da onlar üçün hazırladığımız sürprizlər gözləyir, qoy rahatlamasınlar və bizi təəccübləndirə biləcəyimiz illüziyaları olmasın”, - Polyanski bildirib.
Qeyd edək ki, bundan əvvəl Rusiya Federasiyasının BMT-dəki daimi nümayəndəsi Vasili Nebenzya Rusiyadan tədarük məsələsi ilə bağlı ərzaq sövdələşməsinin uğursuz olduğunu açıqlamışdı. O, müqavilənin Rusiya ərzaq və gübrələrin ixracı ilə bağlı hissəsinin işləmədiyinə diqqət çəkib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB