Ukraynanın Baş naziri Denis Şmiqal ölkəsinin 30 milyard kubmetrlik təbii qaz ehtiyatlarının bir hissəsini Avropa İttifaqı ölkələrinə göndərəcəyini bildirib.
Belçikanın paytaxtı Brüsseldə keçirilən Aİ-Ukrayna Tarafdaşlıq Şurasının iclasından sonra Denis Şmiqal Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Cozep Borrell ilə birgə mətbuat konfransı keçirib.
SİA-nın əldə etdiyi məlumata görə, D.Şmiqal xatırladıb ki, Aİ Rusiyadan enerji asılılığından qurtulmağa çalışır:
"Rusiyadan əhəmiyyətli miqdarda idxalı ödəyə bilərik. Hazırda təbii qaz anbarlarımızda 30 milyard kubmetr qaz var. Bunun bir hissəsini avropalı tərəfdaşlarımıza təklif edəcəyik".
Qeyd edək ki, Avropanın təxminən 113 milyard kubmetrlik təbii qaz anbarlarında 91,1 milyard kubmetr qaz var. Aİ ölkələri ildə 400 milyard kubmetr təbii qazdan istifadə edirlər.
Rusiyanın “Şimal axını 1” boru kəmərindən qaz axınının kəsilməsinin Avropadan Ukraynaya dəstəyinə təsir göstərəcəyi ilə bağlı narahatlıqları olub-olmaması ilə bağlı suala Şmiqal bildirib ki, bu, Rusiyanın yaymaq istədiyi ritorikadır:
"Rusiya hazırda Avropaya qarşı hibrid müharibə aparır. O, qaz və nefti şantaj edir. Ərzaq və miqrasiya böhranı yaradır. Dezinformasiya və kiberhücumlar edir. Ukrayna müharibədən yorulub, lakin Ukraynanı Rusiyaya qarşı tək buraxmaq, Rusiyanının Avropaya daha dərindən nüfuz etməsi üçün ilk addım olacaq. Avropanın yeganə xilası İttifaq daxilində G7 və Ukrayna ilə birlikdə hərəkət etməkdədir. Bu, yemək və ya hesablar uğrunda müharibə deyil. Bu, Avropa dəyərləri və demokratiya, azadlıq uğrunda müharibədir".
Bütün xəbərlər Facebook səhifəmizdə
USD
EUR
GBP
RUB