“Donetsk Xalq Respublikası”nın rəhbəri Denis Puşilin publisist Aleksandr Duqinin qızı Dariyanın ölümündə günahı Ukraynadan gələn mühacirlərin üzərinə qoyub.
SİA bu barədə rus saytlarına istinad edir.
“...Çirkli əclaflar! Aleksandr Duqini məhv etməyə çalışan Ukrayna rejiminin terrorçuları onun qızını partladıblar... Avtomobildə. Dariyanın mübarək xatirəsi, o, əsl rus qızıdır!”
Qeyd edək ki, Puşilin “Telegram”da yazıb.
Saytmızın əldə etdiyi məlumata görə, hadisə baş verən gün Daria Dugina Puşkin Muzey-Qoruğunda keçirilən “Ənənə” ədəbi-musiqi festivalından qayıdırmış. Deyilənə görə, o orada mühazirə oxuyan atasına kömək edirmiş.
Festivalın digər iştirakçısı, skripkaçı Pyotr Lundstremin sözlərinə görə, Dariyanın atası da avtomobildə olmalı imiş. Amma o, nədənsə qızı ilə maşını dəyişib və onun arxasınca gedən maşınına minib.
Dariyanın idarə etdiyi avtomobil Zaxarovadan üç kilometr aralıda yerləşən Bolşye Vyazemi kəndi yaxınlığında partlayıb.
Bundan əvvəl Böyük Britaniya politoloq Aleksandr Duqinin qızı Dariyaya qarşı sanksiyalar tətbiq etmişdi. Londonun sözlərinə görə, həmin siyahıda olanların hamısı Ukraynadakı münaqişə ilə bağlı “dezinformasiyanın yayılması” ilə bağlıdır.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB